गोलबजार नगरपालिका वडा नं. २ मा प्रथम वडाध्यक्ष कप फुटबल टुर्नामेन्ट हुने भएको छ । फागुन १८ गतेदेखि गोलबजार नगरपालिकाको खेलग्राम गुरुधाममा हुने उक्त टुर्नामेन्टको खेल तालिका ( टाईसिट ) वडा कार्यृलयमा आयोजित पत्रकार सम्मेलनमा वडाध्यक्ष सुकदेव सिंहले सार्वजनिक गरेका छन् । पत्रकार सम्मेलनमा वडाध्यक्ष सिंहले भने – नगरपालिका भित्र आफ्नै फुटबल खेलाडी उत्पादन गर्न र खेल विधालाई प्रोत्साहन गर्न वडाध्यक्ष कप फुटबल प्रतियोगिता आरम्भ गरिएको छ । युवाहरुलाई स्वस्थ र सुजनातम्क बनाउन फुटबल खेलको औधी महत्व रहेको सिंहको भनाई थियो । पत्रकार सम्मेलनमा वडाध्यक्ष सिंहले वडा नं. २ को फुटबल टिमलाई बुट, जर्सी र फुटबल जस्ता खेल सामग्री प्रदान गरेका थिए ।

गोलबजार नगरपालिकाको १ देखि १३ वडाका फुटबल टिम बीच मैत्रीपूर्ण प्रतिस्पर्धा हुने र टुर्नामेन्ट फागुन १२ देखि ३० गते सम्म चल्ने पत्रकार सम्मेलनमा जानकारी गराउँदै वडाध्यक्ष सिंहले खेलप्रेमी दर्शकहरुलाई खेल हेर्न आएर खेलाडीहरुको हौसला बढाउन आग्रह गरेका छन् । खेल हरेक दिन २ बजे सुरु हुने र फिफा नियम अनुसार प्रतियोगिता गराइने जानकारी दिइएको छ ।