धनगढीमाई नगरपालिका वडा नं. ६ स्थित गागन खोलामा एक अपरिचित पुरुषको शव फेला परेको छ । पराल हालेर जलाइएको उक्त शव पूरै जलेको छैन । आधा जलेको शव वरिपरी रगतका टाटाहरु फेला परेकोले हत्या गरेर हतारमा जलाइएको प्रहरीको प्रारम्भिक अनुमान छ ।
खोलामा परालले अधकल्चो पोलिएको लास देखेपछि स्थानीयले प्रहरीलाई खबर गरेका थिए । इलाका प्रहरी कार्यालयले उक्त शव बरामद गरी पोष्टमार्टमका लागि पठाएको जनाएको छ । घटनास्थल प्रकृति मुचुल्का बनाएर अनुसन्धानको सुरुवात गरिएको छ । प्रहरीले शवको सनाखत हुन सके अनुसनधानमा सघाउ पुग्नेबताएको छ ।
वडाध्यक्ष भगलु महतोले घटना शंकास्पद रहेको र प्रहरीले अनुसन्धान सुरु गरेको बताए । उनले भने स्वभाविक मृत्यु हो भने परालले लास जलाइदैन । लासलाई अधकल्चो छोडिदैन । जरुर कुनै कैफियत छ ।
प्रकाशित : २०८० पुष १३ शुक्रबार
