काठमाडौं । धनुषा निर्वाचन क्षेत्र नम्बर १ मा नेकपा (माओवादी केन्द्र)का मातृकाप्रसाद यादव पराजित भएका छन् । पाँच हजार ९४८ मतान्तरले हराउदै यहाँ जनता समाजवादी पार्टी (जसपा)का दीपक कार्की विजयी बनेका हुन् ।
कार्कीले २७ हजार ४३१ मत ल्याएका छन् भने मातृकाले २१ हजार ४८३ मत ल्याएका छन् ।
मातृका पाँच दलीय गठबन्धनको साझा उमेदवार थिए भने कार्की जसपा–नेकपा (एमाले) गठबन्धनबाट जसपाका उमेदवार थिए ।
प्रकाशित : २०७९ मंसिर ११ आईतवार
