काठमाडौं । नेकपा एमालेका अध्यक्ष केपी शर्मा ओलीले आगामी निर्वाचनपछि एमालेको सरकार बन्ने दाबी गर्नुभएको छ ।
बिहीबार झापामा आयोजित चुनावी आमसभालाई सम्बोधन गर्दै उहाँले एमालेको सरकारले नौ महिनाको अवधिमा पूरा गर्न नसकेका कामहरु आगामी कार्यकालमा पूरा गर्ने प्रतिवद्दता व्यक्त गर्नुभयो । उहाँले आफू प्रधानमन्त्री भएका बेला नै सुकुम्वासी समस्या समाधान गर्ने आधार तय गरेको बताउनुभयो ।
अध्यक्ष ओलीले इतिहासमा भएका उल्लेखनीय काम एमालेले गरेको दाबी गर्नुभयो । ‘उहिले जमानामा पृथ्वी नारायण शाहको पालामा नेपालको एकीकरण भयो होला । अरु काम नेकपा एमालेले गरेको छ’ ओलीको भनाइ थियो ।
प्रकाशित : २०७९ कार्तिक २४ बिहीबार
