अमेरिकाकाे मेरिल्याण्डमा गोली प्रहारबाट एकै घरका पाँच जनाको मृत्यु

[sharethis-inline-buttons]

एजेन्सी । संयुक्त राज्य अमेरिकाको मेरिल्याण्ड राज्यको सेसिल काउन्टीको एक घरमा शुक्रबार पाँच जना मृत अवस्थामा फेला परेका छन् । मृतकहरूमा दुई बयस्क र तीन बालबालिका छन् ।

सेसिल काउन्टी शेरिफको कार्यालयले विज्ञप्तिमा जनाएअनुसार एक पुरुषले बिहान ९११ मा फोन गरी तीन बालबालिका र एक महिलालाई गोली लागेर मृत्यु भएको जानकारी दिएका थिए।

सो जानकारीपछि सुरक्षा अधिकारीहरू सो निवासमा प्रवेश गर्दा मृतकहरूको शव विभिन्न स्थानहरूमा फेला पारेका थिए।

‘यो हाम्रो काउन्टी र हाम्रो समुदायको लागि दुःखद् र भयानक दिन हो’ सेसिल काउन्टी शेरिफ स्कट एडम्सले शुक्रबार दिउँसो पत्रकारहरूलाई  बताएका छन् ।

घटनाबारे सक्रिय  रूपमा अनुसन्धान गरिरहेको अधिकारीहरूले बताएका छन्।


प्रकाशित : २०७९ भाद्र २५ शनिबार