काठमाडाैं । बाल गायक प्रिन्स सिलवालको तीज गीत ‘बुट्टेसारी’ सार्वजनिक भएको छ । हरितालिका तीज पर्वलाई लक्षित गरी गायक सिलवालको गीत सार्वजनिक भएको हो ।
यो गीतमा सिलवाललाई गायनमा सन्ध्या बुढा (काउलीबुढी)ले साथ दिएकी छन् ।
गीतमा बाध्यताले विदेशिएका बुबा र भड्किलो तीज मान्दै गएका आमाको वास्तविकतालाई छोराको प्रस्तुतिबाट झल्काउने प्रयास गरिएको छ ।
म्यूजिक भिडियोमा गायक सिलवालको हजुरआमाको भूमिकामा सन्ध्या बुढा (काउलीबुढी) र आमाको भूमिकामा नम्रता शर्माले अभिनय गरेका छन् ।
सीताराम सिलवालको शब्द, अर्जुन पोखरेलको संगीत रहेको गीत अदेश गुरुमछानले एरेन्ज गरेका हुन् ।
उक्त गीत प्रिन्स सिलवाल युट्युब च्यानलमा हेर्न सकिन्छ ।
प्रकाशित : २०७९ श्रावण २३ सोमबार
