सिरहा : सिरहामा कार दुर्घटनामा एकजनाको मृत्यु भएको छ । दुर्घटनामा अन्य तीनजना घाइते भएका छन् ।
मृत्यु हुनेमा कारमा सवार धनुषा कमला नगरपालिका १ का २२ वर्षीय धिरज मण्डल छन् ।
घाइते हुनेहरुमा धनुषाकै २० वर्षीय शुभलाल मण्डल, सोही ठाँउका ७ वर्षीय बालक आयुष मण्डल र २२ वर्षीय रोशन कुमार मण्डल छन् ।
घाइतेहरुको स्थानीय अस्पतालमा उपचार भइरहेको छ । घाइतेमध्ये शुभलालको अवस्था गम्भीर छ ।
गएराति भारतीय नम्बरको कार अनियन्त्रित भएर पल्टिएको थियो । नरहा गाँउपालिका–३ खोरियाटोलस्थित चोहर्वा सिरहा सडकखण्डमा कार दुर्घटनामा परेको हो ।
प्रकाशित : २०७८ फाल्गुन ३० सोमबार
