सिरहा : ७२ औँ राष्ट्रिय प्रजातन्त्र दिवसको अवसर पारेर सिरहामा रक्तदान कार्यक्रम सम्पन्न भएको छ ।
सिरहा नगरपालिकाले आयोजना गरेको रक्तदान कार्यक्रममा ३१ जनाले रक्तदान गरेका थिए ।
रगतको अभाव हुन नदिन र रगतको अभावले कसैले पनि ज्यान गुमाउन नपरोस् भनेर प्रजातन्त्र दिवसको अवसरमा रक्तदान कार्यक्रमको आयोजना गरिएको नगरपालिकाले जनाएको छ ।
रक्तदान कार्यक्रममा निजामती कर्मचारी, सुरक्षा निकाय तथा व्यवसायीलगायतको उपस्थिति रहेको थियो ।
प्रकाशित : २०७८ फाल्गुन ७ शनिबार
