काठमाडौँ – सिरहाको गोलबजारमा आन्दोलनकारी र प्रहरीबीच झडप भएको छ । अबरुद्ध राजमार्ग खुलाउन प्रहरीले बल प्रयोग गर्न खोज्दा हत्याको विरोधमा उत्रेका गोलबजार नगरपालिका ६ का बासिन्दा र प्रहरीबीच झडप भएको हो । झडपमा दुई जना घाईते भएका छन् । प्रहरीमाथि आन्दोलनकारीले ढुंगामुढा समेत गरेपछि अवस्था तनावग्रस्त बनेको हो ।
शनिवार साँझ छुरा प्रहारबाट गोलबजार नगरपालिका ६ का २६ बर्षीय रामकुमार सदायको मृत्यु भएको थियो । छुरा प्रहारबाटै उनकै साथी निकेश सदाय गम्भीर घाईते छन् । उक्त घटनाको विरोधमा आईतबार राजमार्ग अवरुद्ध पारेपछि प्रहरीले २४ घण्टाभित्र अपराधीलाई पक्राउ गर्ने प्रतिवद्धता जनाएको थियो । तर पक्राउ नगरेको भन्दै आज विहानैदेखि राजमार्ग पुनः अवरुद्ध पारेका छन् ।
प्रकाशित : २०७८ पुष ५ सोमबार
