काठमाडौं । सहरी विकासमन्त्री रामकुमारी झाक्रीले धाप ड्याम र नाग्मती ड्यामको अवलोकन तथा निरीक्षण गरेकी छिन् । मन्त्रालयका सचिव, उपसचिव, आयोजना प्रमुख र सरोकारवाला टिम सहित उनले भ्रमण गरेकी हुन् ।
एसियाली विकास बैँकको सहयोगमा निर्माणाधीन धाप ड्यामको लागत भने ४५ करोड रहेको छ । त्यसैगरी, यो ड्यामबाट प्रतिसेकेन्ड ४० लिटर पानी उत्पादन गर्न सकिने वाग्मती सभ्यता एकीकृत विकास अधिकार सम्पन्न समितिका अध्यक्ष उद्धव तिल्सिनाले जानकारी दिए । साथै उक्त योजना आगामी २ महिनाभित्र सम्पन्न भएर सञ्चालनमा आउने पनि उनको भनाई थियो ।
त्यसैगरी, मन्त्री झाँक्रीले नाग्मती ड्यामको पनि अवलोकन गरेकी हुन । १० अरबको अनुमानित लागत लागेर बन्ने उक्त परियोजना बनाउन आफूहरु सकारात्मक भएको पनि मन्त्री झाँक्रीले बताएकी छिन । साथै उक्त परियोजना निर्माणका क्रममा देखिएका समस्या समाधानका लागि पनि मन्त्रालय जिम्मेवार रहने उनले बताईन ।
