मेघराजतामाङ
संखुवासभा। प्रहरीले भरूवा बन्दुकसहित एक जनालाई पक्राउ गरेको छ । पक्राउ पर्नेमा संखुवासभा पाँचखपनगरपालिका ५ खमारे बस्ने रामबहादुर राई रहेका छन् ।
भरूवा बन्दुक लुकाई राखेको सूचनाका आधारमा जिल्ला प्रहरी कार्यालय संखुवासभा र ईलाका प्रहरी कार्यालय वानाबाट खटिएको प्रहरीले उनलाई मंगलबार बिहान पक्राउ गरेको हो। राईले गाईको गोठमा लुकाई राखेको अवस्थामा बन्दुक फेला परेको हो ।
पक्राउ परेका उनी माथि थप अनुसन्धान भइरहेको प्रहरीले जनाएको छ ।
प्रकाशित : २०७८ मंसिर १५ बुधबार
