१५ मंसिर,काठमाण्डौ ।बाग्लुङको काठेखोला गाउँपालिका १ खहरेमा आज बिहानै जिप दुर्घटना हुँदा एक जनाको मृत्यु भएको भने अन्य तीन जना घाईते भएका छन ।
बिहुँबाट सदमुकामनर्फ जाँदै गरेको बा १८ च ५६७७ नम्बरको पिकअप जीप आज बिहान ५ बजे अनियन्त्रित भएर सडकबाट करिब ८ मीटर तल खसेर दुर्घटना भएको प्रहरीले जनाएको छ ।दुर्घटनामा परी बाग्लुङ नगरपालिका ७ सिमका ४५ वर्षीय श्याम शर्माको घटनास्थलमै मृत्यु भएको छ ।
घाईतेहरुको धौलागिरी अस्पतालमा उपचार भैरहेको प्रहरीले जनाएको छ । दुर्घटनामा संलग्न जीप चालकलाई प्रहरीले नियन्त्रणमा लिएको छ ।
प्रकाशित : २०७८ मंसिर १५ बुधबार
