२२ कार्तिक,काठमाण्डौ ।तिहार सकिएलगत्तै सुनचाँदीको कारोबार आजबाट सुरु भएको छ । गत कार्तिक १८ गतेबाट बन्द रहेको सुन चाँदीको कारोबार आजबाट सुरु भएको हो । बजार खुलेको पहिलो दिन आज सुनचाँदीको भाउ बढेको छ ।
गत साता ९१ हजार रुपैयाँमा कारोबार भएको सुन आज एकै दिन १ हजार ५ सय रुपैयाँले बढेर ९२ हजार ५ सय रुपैयाँ तोलामा कारोबा भैरहेको नेपाल सुनचाँदी ब्यबसायी महासंघले जनाएको छ । आज चाँदीको भाउ पनि बढेको छ ।
गत साता १ हजार दुई सय २५ रुपैयामा कारोबार भएको चाँदी आज तोलामा २५ रुपैयाँले बढेर १ हजार २ सय ५० रुपैयामा कारोबार भईरहेको महासंघले जनाएको छ ।
प्रकाशित : २०७८ कार्तिक २२ सोमबार
