काठमाडौं – पछिल्लो २४ घण्टामा देशभर ४०८ जना कोभिड संक्रमित थपिएका छन् । ७ हजार ८९९ वटा नमूनाको परीक्षण गर्दा ४०८ जनामा संक्रमण पुष्टि भएको हो ।
त्यस्तै पछिल्लो चौबीस घण्टामा ८ जनाको मृत्यु पुष्टि भएको छ, योसँगै नेपालमा कोभिड संक्रमणका कारण मृत्यु हुनेको संख्या ११ हजार ४०७ पुगेकोे छ । त्यस्तै आज ५१८ जना संक्रमणमुक्त भएका छन्, योसँगै नेपालमा सक्रिय संक्रमितको संख्या ९ हजार ३७६ पुगेको स्वास्थ्य तथा जनसंख्या मन्त्रालयले जनाएको छ ।
प्रकाशित : २०७८ कार्तिक १४ आईतवार
