७ कात्तिक, काठमाडौं । सर्लाही र धनुषाका प्रहरी प्रमुखको सरुवा भएको छ । प्रहरी महानिरीक्षक शैलेश थापाले दुईवटा जिल्लाका प्रहरी प्रमुखको सरुवा गर्ने निर्णय गरेका हुन् । धनुषाका प्रहरी उपरीक्षक प्रकाश रानाभाटलाई प्रहरी प्रधान कार्यालय र सर्लाहीका प्रहरी उपरीक्षक सन्तोषसिंह राठौरलाई राष्ट्रिय प्रहरी प्रशिक्षण प्रतिष्ठानमा सरुवा गरिएको छ ।
त्यस्तै सर्लाहीको इन्चार्जमा एसपी कृष्ण प्रसाईलाई पठाइएको छ । भने जिल्ला प्रहरी कार्यालय धनुषामा बसन्त रजौरेलाई पठाइएको प्रहरी प्रवक्ता (एसएसपी) वसन्त कुँवरले जानकारी दिए ।
प्रकाशित : २०७८ कार्तिक ७ आईतवार
