माओवादीले दियो ३२ विभागलाई पूर्णता

दावानल २०७८ कार्तिक ४ बिहीबार

४ कात्तिक, काठमाडौं । नेकपा माओवादी (केन्द्र)ले पार्टीका विभिन्न विभागलाई पूर्णता दिएको छ । बिहिबार (आज) बसेको पार्टीको स्थायी कमिटीको बैठकले विपत व्यवस्थापन विभाग बाहेक अन्यलाई पूर्णता दिएको प्रवक्ता कृष्णबहादुर महराले जानकारी दिए । विपत व्यवस्थापन विभाग सूर्य सुवेदी ‘पथिक’को नेतृत्वमा गठन हुने भए पनि पूर्णता पाउन बाँकी रहेको उहाँले बताउनु भयो ।

वर्षमान पुनलाई अर्थ तथा योजना विभागको जिम्मेवारी दिइएको छ भने नारायणकाजी श्रेष्ठलाई विदेश मामिला विभागको जिम्मेवारी तोकेको छ । कृष्णबहादुर महरालाई प्रचार तथा प्रकाशन विभागको जिम्मेवारी दिइएको छ भने हरिबोल गजुरेललाई कृषि तथा भूमिसुधार विभागको जिम्मेवारी दिइएको छ । प्रवक्ता महराका अनुसार १७५ सदस्यीय सम्पर्क समिति डिलाराम आचार्यको संयोजकमा गठन गरिएको छ ।सबै विभागमा बढीमा ३५ जना सदस्य रहनेछन्। बैठकले नीति तथा अनुसन्धान प्रतिष्ठानको पनि गठन गरेको छ।प्रतिष्ठानको अध्यक्षमा रामचन्द्र झा छन्।

यी हुन् सम्पर्क समिति र विभागहरु प्रमुख

१. अर्थ तथा योजना विभाग – वर्षमान पुन

२. संगठन विभाग – जनार्दन शर्मा

३. विदेश मामिला विभाग – नारायणकाजी श्रेष्ठ

४. प्रचार तथा प्रकाशन विभाग – कृष्णबहादुर महरा

५. विपद् व्यवस्थापन विभाग – सूर्य सुवेदी

६. उद्योग मामिला विभाग – वामदेव क्षेत्री

७. कृषि तथा भूमिसुधार विभाग – हरिबोल गजुरेल

८. उपभोक्ता हित संरक्षण विभाग – मात्रिका यादव

९. कोष तथा आर्थिक विभाग – डोरप्रसाद उपाध्याय

१०. खानेपानी विभाग – विना मगर

११. जलस्रोत तथा ऊर्जा – लिलामणि पोखरेल